18 აგვისტოს, გიორგი კვინიტაძის სახელობის კადეტთა სამხედრო ლიცეუმში „რობოტექნიკის საზაფხულო ბანაკი“ საზეიმოდ დაიხურა, სადაც 13 -18 წლის 1500-მდე მოზარდი ტექნოლოგიურ ინოვაციებს გაეცნო.

მანავის სამხედრო ბაზაზე „სპორტულ-შემეცნებითი საზაფხულო ბანაკი“ გაიხსნა. მოწვეულმა სტუმრებმა ბანაკის ინფრასტრუქტურა დაათვალიერეს და მოსწავლეებს გაესაუბრნენ. განათლებისა და მეცნიერების მინისტრმა მიხეილ ჩხენკელმა, თავდაცვის მინისტრის მოადგილემ ნუკრი გელაშვილმა და ბავშვთა და ახალგაზრდობის ეროვნული ცენტრის უფროსმა გიგა გაბელაიამ მოზარდებს სიტყვით მიმართეს და ბანაკში საინტერესო დღეების გატარება უსურვეს.

წელს ბანაკში 8 ნაკადის განმავლობაში, მცირეკონტიგენტიანი სკოლებიდან 1056 მოსწავლემ დაისვენა.

„მომავლის ბანაკი“ ანაკლიაში გაიხსნა. ბანაკს პირველ ნაკადზე 14-18 წლის 288 მონაწილე ესტუმრა. 

ბავშვთა და ახალგაზრდობის ეროვნული ცენტრის ორგანიზებით პროექტი „CYNC სივრცე“ დაიწყო, რომელიც ორდღიან შემეცნებით-გასართობ ტრენინგებზე 10 ნაკადად 900 მონაწილის მიღებას ითვალისწინებს.