საერთაშორისო ბანაკი “Connecting Youth Through Art: EU-EaP Summer Camp“ 2017 საზეიმოდ გაიხსნა

 

ბავშვთა და ახალგაზრდობის ეროვნული ცენტრის ორგანიზებითა და ევროკავშირის დელეგაციის ფინანსური მხარდაჭერით, ბაზალეთში , საერთაშორისო ბანაკი – Connecting Youth Through Art: EU-EaP Summer Camp 2017 საზეიმოდ გაიხსნა. ღონისძიებას  სპორტისა და ახალგაზრდობის საქმეთა მინისტრის მოადგილე-რევაზ ჯაველიძე , კულტურისა და ძეგლთა დაცვის მინისტრის მოადგილე-ლევან ხარატიშვილი, საქართველოს სახელმწიფო მინისტრის მოადგილე  შერიგებისა და სამოქალაქო თანასწორობის საკითხებში – პეტრე კანკავა,  ბავშვთა და ახალგაზრდობის ეროვნული ცენტრის უფროსი – გიგა გაბელაია, ცენტრის უფროსის მოადგილე –  ნინო ვადაჭკორია,  ევროკავშირის  წარმომადგენელი საქართველოში  –  ვინსენტ რეი,  აფხაზეთის ავტონომიური რესპუბლიკის მთავრობის თავმჯდომარე – ვახტანგ ყოლბაია, ნდობის აღდგენისა და შერიგების საკითხებში აფხაზეთის ავტონომიური რესპუბლიკის აპარატის მინისტრის პირველი მოადგილე – ბელა კოპალიანი, ბავშვთა და ახალგაზრდობის ეროვნული ცენტრის პროგრამებისა და ბანაკების მართვის დეპარტამენტის უფროსი – ბელა სარია, მშვიდობის კორპუსის წარმომადგენელი – ნინო ფიროსმანაშვილი და  სხვადსხავა სამთავრობო და არასამთავრობო  სტრუქტურის წარმომადგენლები ეწსრებოდნენ. მოწვეულმა სტუმრებმა მოზარდებს სიტყვით მიმართეს და ბანაკში ნაყოფიერი დღეების გატარება უსურვეს.

ღონისძიებაზე მაყურებლის წინაშე   ქორეოგრაფიული დასი    „Little Stars”  და  მანანა არაბიძის საავტორო სტუდიის მოსწავლეები   სხვადასხვა  მუსიკალური ნომრით  წარდგნენ.

საერთაშორისო ბანაკს  სსიპ  „ბავშვთა და ახალგაზრდობის ეროვნული ცენტრი“  საქართველოში ევროკავშირის დელეგაციის ფინანსური მხარდაჭერით ახორციელებს.

ბანაკი მოზარდებს  18-24  სექტემბერამდე უმასპინძლებს, სადაც  10 ქვეყნის 80 წარმომადგენელი მიიღებს მონაწილეობას.

საზაფხულო ბანაკი მიზნად ისახავს ინტერკულტურული მეგობრობის გაღრმავებას, არაფორმალური დიალოგისათვის პლატფორმის შექმნას და ევროპული ღირებულებების შესახებ საზოგადოებრივი ცნობიერების ამაღლებას.