კონტრასტი
განლაგება
შრიფტი
არქივში დაბრუნება

„ევროპული სკოლის საზაფხულო ბანაკი 2018 საქართველოში“

ევროკავშირის ფინანსური მხარდაჭერით, კახეთში, სასტუმრო „ამბასადორი კაჭრეთში“ სსიპ „ბავშვთა და ახალგაზრდობის ეროვნული ცენტრი“ მართავს საერთაშორისო ბანაკს „ევროპული სკოლის საზაფხულო ბანაკი 2018 საქართველოში“. პროექტში აღმოსავლეთ პარტნიორობის რეგიონიდან და ევროკავშირის წევრი სახელმწიფოებიდან 100 ახალგაზრდა იღებს მონაწილეობას. მათ შორის აღმოსავლეთ პარტნიორობის ევროპული სკოლის შერჩეული მონაწილეები.

ბანაკის გახსნის ღონისძიებაზე საქართველოში ევროკავშირის წარმომადგენლობის ხელმძღვანელის მოადგილემ კარლო ნატალემ და ბავშვთა და ახალგაზრდობის ეროვნული ცენტრის უფროსმა გიგა გაბელაიამ დამსწრე საზოგადოებას სიტყვით მიმართეს. ცენტრის უფროსმა მოზარდებს სასიამოვნო და ნაყოფიერი დღეების გატარება უსურვა. ღონისძიებას ასევე სლოვაკეთის რესპუბლიკის საგანგებო და სრულუფლებიანი ელჩი რუდოლფ მიხალკა, ცენტრის უფროსის მოადგილე ვახტანგ ბააკაშვილი, პროგრამების მართვის დეპარტამენტის უფროსი ბელა სარია, ადმინისტრაციული დეპარტამენტის უფროსი გიორგი ბერიძე და მოწვეული სტუმრები ესწრებოდნენ. 
21 დღის განმავლობაში ბანაკი ახალგაზრდებს შესთავაზებს როგორც პრაქტიკულ, ასევე თეორიულ სესიებს ახალგაზრდული მუშაობის სხვადასხვა სფეროში, რომლებიც ეფუძნება არაფორმალური განათლების ტექნიკას. პროგრამის ფარგლებში, მონაწილეებს შესაძლებლობა ექნებათ ერთმანეთს გაუზიარონ ახალგაზრდობის აქტივობის პრაქტიკა საკუთარ ქვეყნებში. ბანაკის დასასრულს, მონაწილეები მოამზადებენ საპროექტო წინადადებებს, რომლებიც განხორციელებულ იქნება მათ ქვეყნებში, ბანაკის შემდგომი აქტივობების სახით. 
„ევროპული სკოლის საზაფხულო ბანაკი 2018 საქართველოში"-ს მთავარი მიზანია ახალგაზრდების მხარდაჭერა და მომზადება საერთო ევროპული ღირებულებებით და აღმოსავლეთ პარტნიორობის რეგიონში თანამშრომლობის, მულტიკულტურული გაგებისა და ტოლერანტობის ხელშეწყობა.

სხვა სიახლეები

ევროპის მოხალისეთა სამსახურის (EVS - European Voluntary Service) ვაკანსია პოლონეთში

ევროპის მოხალისეთა სამსახურის (EVS - European Voluntary Service) ვაკანსია პოლონეთში პროექტის სახელწოდება: Inter-Generational Science Mixer მასპინძელი ორგანიზაცია: Omniveda Foundation, www.wiedzanasbawi.pl /FB: Fundacja Omniveda ადგილმდ
ვრცლად

საერთაშორისო ბანაკი -„ევროპული სკოლის საზაფხულო ბანაკი 2018 საქართველოში“ გაიმართა

ევროკავშირის ფინანსური მხარდაჭერითა და სსიპ „ბავშვთა და ახალგაზრდობის ეროვნული ცენტრის“ ორგანიზებით კახეთში, სასტუმროში ,,ამბასადორი კაჭრეთში" საერთაშორისო ბანაკი -„ევროპული სკოლის საზაფხულო ბანაკი 2018 საქართველოში“ გაიმართა. პროექტში აღმო
ვრცლად

ბავშვთა და ახალგაზრდობის ეროვნული ცენტრი 8-დან 25 წლამდე ახალგაზრდებს გიწვევთ პროექტში „სახელობო წრეები

ბავშვთა და ახალგაზრდობის ეროვნული ცენტრი 8-დან 25 წლამდე ახალგაზრდებს გიწვევთ პროექტში „სახელობო წრეები“. მოზარდებს 2 თვის განმავლობაში შესაძლებლობა ექნებათ უფასოდ შეისწავლონ ჩხირებით ქსოვა, ჯვრული ქარგვა, ტიხრულ მინანქარზე და თექაზე მუშ
ვრცლად

„მომავლის ბანაკი“ ანაკლიაში საზეიმოდ დაიხურა

ბავშვთა და ახალგაზრდობის ეროვნული ცენტრის ანაკლიის „მომავლის ბანაკი“ საზეიმოდ დაიხურა
ვრცლად