კონტრასტი
განლაგება
შრიფტი
არქივში დაბრუნება

„რობოტექნიკის საზაფხულო ბანაკი“ საზეიმოდ დაიხურა

18 აგვისტოს, გიორგი კვინიტაძის სახელობის კადეტთა სამხედრო ლიცეუმში
„რობოტექნიკის საზაფხულო ბანაკი“ საზეიმოდ დაიხურა, სადაც 13 -18 წლის 1500-მდე მოზარდი ტექნოლოგიურ ინოვაციებს გაეცნო!

ბანაკის დახურვის ღონისძიებზე დამსწრე საზოგადოებას სიტყვით მიმართეს - განათლების, მეცნიერების კულტურისა და სპორტის მინისტრის მოადგილემ თეიმურაზ მურღულიამ, თავდაცვის მინისტრის მოადგილემ ნუკრი გელაშვილმა და ბავშვთა და ახალგაზრდობის ეროვნული ცენტრის უფროსმა გიგა გაბელაიამ. მათ გიორგი კვინიტაძის სახელობის კადეტთა სამხედრო ლიცეუმის ხელმძღვანელმა, პოლკოვნიკმა შალვა ძინძიბაძემ პროექტის განხორციელებისათვის მადლობა გადაუხადა და სიმბოლური საჩუქრები გადასცა.

ღონისძიება ლიდერებისა და ბანაკის მონაწილეების მიერ შესრულებული ფლეშმობით გაიხსნა, პატრიოტულ თემაზე დადგმული საინტერესო მუსიკალური ნომრებით გაგრძელდა და საქართველოს სახელმწიფო ჰიმნით, დროშის აღმართვით და ფოიერვერკით დასრულდა.

საღამოს გენერალური შტაბის უფროსის მოადგილე გენერალი შალვა ჯაბახიძე, ცენტრის უფროსის მოადგილე ნინო ვადაჭკორია და მოწვეული სტუმრები ესწრებოდნენ.

პროექტი ბავშვთა და ახალგაზრდობის ეროვნულმა ცენტრმა სხვადასხვა სამთავრობო სტრუქტურასთან ერთად განახორციელა. ესენია : საქართველოს შრომის, ჯანმრთელობისა და სოციალური დაცვის სამინისტრო, საქართველოს შინაგან საქმეთა სამინისტრო, საქართველოს თავდაცვის სამინისტრო, საქართველოს საგარეო საქმეთა სამინისტრო, საქართველოს რეგიონული განვითარებისა და ინფრასტრუქტურის სამინისტრო, საგანგებო სიტუაციების მართვის სამსახური, საქართველოს იუსტიციის სამინისტროს სსიპ „დანაშაულის პრევენციის ცენტრი“ საქართველოს განათლების, მეცნიერების, კულტურისა და სპორტის სამინისტროს სსიპ „საგანმანათლებლო დაწესებულების მანდატურის სამსახური“, საქართველოს მთავრობის კონტროლს დაქვემდებარებულმა სსიპ „ვეტერანების საქმეთა სახელმწიფო სამსახური“. 

პროექტი ითვალისწინებდა მოსწავლეებში მეცნიერების, ტექნოლოგიის, ინჟინერიის, მათემატიკის, რობოტექნიკისა და თანამედროვე ტექნოლოგიური მიღწევების (უპილოტო საფრენი აპარატების (დრონების), ვირტუალური რეალობა და ა.შ.) პოპულარიზაციას, პრაქტიკულ-ლაბორატორიული პროექტების განხორციელების გზით კვლევითი უნარებისა და შემოქმედებითი აზროვნების განვითარებას. ჯანსაღი ცხოვრების წესის პოპულარიზაციას და დანერგვის ხელშეწყობას, რეკრეაციული, საგანმანათლებლო-შემეცნებით ი, სპორტული და კულტურული გარემოს შექმნასა და შესაბამისი აქტივობების უზრუნველყოფას.

 

იხილეთ ბმული 

სხვა სიახლეები

კონკურსი დამწყები პროზაიკოსებისა და მხატვრებისათვის

17 მაისს ზუგდიდში, პროექტის „ახალგაზრდა ხელოვანი“ შესარჩევი ეტაპი გაიმართა, რომელსაც კონსულტანტები - მხატვარი გოგა ჯაფარიძე, მწერალი ოთარ ჯირკვალიშვილი და მწერალი და ლიტერატურის კრიტიკოსი ლექსო დორეული უძღვებოდნენ. ბავშვთა და ახალგაზრდობის
ვრცლად

ტურნირი „სპორტი ბარიერების გარეშე“ ქ. ზუგდიდს ესტუმრა

ტურნირი „სპორტი ბარიერების გარეშე“ ამჯერად ქ. ზუგდიდს ესტუმრა. შეჯიბრის პირველი დღე სპრინტს, ფეხბურთსა და ჭადრაკს დაეთმო. გამარჯვებული მონაწილეები, ბავშვთა და ახალგაზრდობის ეროვნული ცენტრის უფროსმა გიგა გაბელაიამ მანავის „სპორტულ-შემეცნებით
ვრცლად

„CYNC ქსელი“

ბავშვთა და ახალგაზრდობის ეროვნული ცენტრის ორგანიზებით, 13-15 მაისს ქალაქ ბათუმში, პროექტის „CYNC ქსელი“ ფარგლებში, საქართველოს ყველა მუნიციპალიტეტის ახალგაზრდობის, სპორტისა და კულტურის სამსახურების წარმომადგენლებთან და რეგიონული საგანმანა
ვრცლად

ტურნირი „სპორტი ბარიერების გარეშე

ბავშვთა და ახალგაზრდობის ეროვნული ცენტრის ორგანიზებით პროექტი „სპორტი ბარიერების გარეშე“ მიმდინარეობს, რომელშიც საქართველოს ყველა რეგიონის 12-16 წლის სპორტის მოყვარული მოზარდები (გოგო-ბიჭი) ჩაერთვებიან.
ვრცლად