კონტრასტი
განლაგება
შრიფტი
არქივში დაბრუნება

შაორის „მომავლის ბანაკში“ დახურვის ღონისძიება გაიმართა

შაორის „მომავლის ბანაკში“ დახურვის ღონისძიება გაიმართა.
ბანაკმა ამ სეზონზე ახალგაზრდების ბოლო ნაკადს უმასპინძლა, სადაც მონაწილეებს აფხაზეთიდან და ცხინვალის რეგიონიდან ჩამოსული სტუდენტები შეუერთდნენ. 
ღონისძიებაზე დამსწრე საზოგადოებას სიტყვით მიმართა „ბავშვთა და ახალგაზრდობის ეროვნული ცენტრის უფროსმა გიგა გაბელაიამ: 
„მოხარული ვარ, რომ დღეს ჩვენ ვსტუმრობთ ახალგაზრდებს აფხაზეთიდან და ცხინვალის რეგიონიდან. ბავშვთა და ახალგაზრდობის ეროვნული ცენტრი ბანაკებს საქართველოს სხვადასხვა კუთხეში წარმატებით ახორციელებს. ჩვენი უმთავრესი მიზანი ახალგაზრდებში ეროვნული და პატრიოტული ღირებულებების გაღრმავების ხელშეწყობაა. ჩვენს ბანაკებში 10 000-მდე ახალგაზრდა საგანმანათლებლო-შემეცნებით, გასართობ და კულტურულ პროგრამებშია ჩართული. ისინი სხვადასხვა აქტივობით ეცნობიან მეცნიერების, ტექნოლოგიის, ინჟინერიის, მათემატიკის, რობოტექნიკისა და თანამედროვე ტექნოლოგიურ მიღწევებს. 
მე მჯერა, რომ შემდეგ ახალგაზრდულ ბანაკებს ჩვენ აფხაზეთის და ცხინვალის ტერიტორიაზე გავაკეთებთ!“

მოზარდებს ასევე სიტყვით მიმართა სოხუმის სახელმწიფო უნივერსიტეტის განვითარების ფონდის დირექტორმა თამარ ბელქანიამ.

ბანაკის მონაწილეებისა და ლიდერების მიერ პატრიოტულ თემაზე შექმნილი არაერთი საინტერესო მუსიკალური ნომერი შესრულდა. საღამო საქართველოს ეროვნული ჰიმნით დასრულდა.

ღონისძიებას სოხუმის სახელმწიფო უნივერსიტეტის რექტორი ზურაბ ხონელიძე, ბავშვთა და ახალგაზრდობის ეროვნული ცენტრის უფროსის მოადგილე ნინო ვადაჭკორია, ცენტრის პროგრამების მართვის დეპარტამენტის უფროსი ბელა სარია და მოწვეული სტუმრები ესწრებოდნენ.

წელს შაორის „მომავლის ბანაკმა“ 1000-ზე მეტ სტუდენტს უმასპინძლა.

სხვა სიახლეები

„მომავლის ბანაკი“ ანაკლიაში საზეიმოდ დაიხურა

„მომავლის ბანაკი“ ანაკლიაში საზეიმოდ დაიხურა. ღონისძიებაზე ბანაკის მონაწილეების მიერ საინტერესო და შთამბეჭდავი პერფორმანსი შესრულდა. საღამო საქართველოს ეროვნული ჰიმნით და გრანდიოზული ფოიერვერკით დასრულდა
ვრცლად

სკაუტური ბანაკი „თავგადასავალი 2019“ გაიხსნა

4 სექტემბერს აბაშის რაიონის სოფელ წყემში, სკაუტური ბანაკი „თავგადასავალი 2019“ გაიხსნა.
ვრცლად

მანავის სამხედრო ბაზაზე „სპორტულ-შემეცნებითი საზაფხულო ბანაკი“ დაიხურა

მანავის სამხედრო ბაზაზე „სპორტულ-შემეცნებითი საზაფხულო ბანაკი“ დაიხურა, სადაც 8 ნაკადის განმავლობაში, 1000-ზე მეტმა მოსწავლემ მიიღო მონაწილეობა!
ვრცლად

შაორში „მომავლის ბანაკი“ დაიხურა!

29 აგვისტოს შაორში „მომავლის ბანაკი“ დაიხურა. ღონისძიებაზე ბანაკის მონაწილეებისა და ლიდერების მიერ არაერთი საინტერესო მუსიკალური ნომერი შესრულდა.
ვრცლად