კონტრასტი
განლაგება
შრიფტი
არქივში დაბრუნება

სკაუტური ბანაკი „თავგადასავალი 2018“ გაიხსნა

ბავშვთა და ახალგაზრდობის ეროვნული ცენტრის ორგანიზებით და სკაუტური მოძრაობის ორგანიზაციის მონაწილეობით, ბოლნისში, ფოლადაურის ხეობაში სკაუტური ბანაკი „თავგადასავალი 2018“ გაიხსნა. ღონისძიება ბავშვთა და ახალგაზრდობის ეროვნული ცენტრის უფროსის მოადგილემ ნინო ვადაჭკორიამ გახსნა და ბანაკის მონაწილეებს ნაყოფიერი დღეების გატარება უსურვა. ახალგაზრდებს ასევე სიტყვით მიმართეს ბოლნისის მუნიციპალიტეტის მერის პირველმა მოადგილემ ბუბა გობეჯიშვილმა და ქვემო ქართლის გუბერნიის ადგილობრივი თვითმმართველობის ორგანოებთან ურთიერთობის სამსახურის უფროსმა ლევან ჟვანიამ. საღამო მონაწილეების მიერ შესრულებული მუსიკალური ნომრებითა და პერფომანსით დასრულდა. საერთაშორისო ბანაკი „თავგადასავალი 2018“ საქართველოს სხვადასხვა კუთხიდან 8-დან 26 წლამდე 300-მდე ახალგაზრდას მასპინძლობს. მონაწილეებისთვის დაგეგმილია სხვადასხვა სახის, მრავალფეროვანი აქტივობები, რომლის განხორციელებისას გამოიყენება სკაუტური მეთოდი. აქტივობები მოიცავს, როგორც პრაქტიკულ ისე თეორიულ ნაწილს - ლიდერობის ტრენინგი, ჯგუფური მუშაობა, გარემოსდაცვითი აქტივობები, პიონერინგი, ორიენტირება, თვითგადარჩენა, ლაშქრობის დაგეგმვა, ტრენინგები თემაზე ინკლუზია, დისკრიმინაცია და ა.შ. პროექტის მიზანია მსოფლიო სკაუტური მეთოდის გამოყენებით, ჯანსაღი ცხოვრების წესის დამკვიდრება.

 

იხილეთ ბმული

სხვა სიახლეები

ევროპული სკოლის საზაფხულო ბანაკი

სსიპ „ბავშვთა და ახალგაზრდობის ეროვნულმა ცენტრმა“ ევროკავშირის დაფინანსებით და მხარდაჭერით, 2018 წელს ევროპული სკოლის საზაფხულო ბანაკი განახორციელა, სადაც აღმოსავლეთ პარტნიორობის რეგიონიდან და ევროკავშირის წევრი სახელმწიფოებიდან 100 ახალგაზ
ვრცლად

მოხალისეობის აღიარების ახალი კონცეფციის შემუშავება

სსიპ „ბავშვთა და ახალგაზრდობის ეროვნული ცენტრის“ უფროსი გიგა გაბელაია და ცენტრის პროგრამების სამსახურის უფროსი კოორდინატორი ნინო მიხანაშვილი, მოლდოვის რესპუბლიკაში, ქ. კიშინიოვში იმყოფებოდნენ საქმიანი ვიზიტით, სადაც ხელი მოეწერა „Erasmus+,
ვრცლად

კალენდრისა და წიგნის პრეზენტაცია

ბავშვთა და ახალგაზრდობის ეროვნულ ცენტრში ახალგაზრდების მიერ შექმნილი კალენდარისა და წიგნის პრეზენტაცია გაიმართა, რომელიც უსინათლო და მცირემხედველი თანატოლებისთვის არის განკუთვნილი.
ვრცლად

ბავშვთა და ახალგაზრდობის ეროვნული ცენტრი გილოცავთ შობა-ახალ წელს!

ვრცლად