კონტრასტი
განლაგება
შრიფტი
არქივში დაბრუნება

„სპორტულ-შემეცნებითი საზაფხულო ბანაკი“ გაიხსნა

მანავის სამხედრო ბაზაზე, ბავშვთა და ახალგაზრდობის ეროვნული ცენტრის „სპორტულ-შემეცნებითი საზაფხულო ბანაკი“ გაიხსნა, სადაც 8 ნაკადის განმავლობაში,  1200  მოსწავლე  მიიღებს მონაწილეობას.

 

 ღონისძიება საქართველოს ეროვნული ჰიმნით და  სახელმწიფო დროშის აღმართვით გაიხსნა.  ბავშვთა და ახალგაზრდობის ეროვნული ცენტრის უფროსმა გიგა გაბელაიამ, ბანაკის განხორციელებაში ჩართულ სტრუქტურებს მადლობა გადაუხადა, მოზარდებს სიტყვით მიმართა და ბანაკში საინტერესო დღეების გატარება უსურვა.

ბანაკის ლიდერებისა და მონაწილეების მიერ შესრულებულმა მუსიკალურმა ნომრებმა სტუმრების მოწონება და აპლოდისმენტები დაიმსახურეს.

ბავშვთა და ახალგაზრდობის ეროვნული ცენტრის უფროსის მოადგილეები ნინო ვადაჭკორია და  ვახტანგ ბააკაშვილი,  ეროვნული გვარდიის შტაბის უფროსი პოლკოვნიკი მალხაზ დუმბაძე, ბანაკების მართვის სამსახურის უფროსი იასონ კიზირია, და მოწვეული სტუმრები ესწრებოდნენ.

„სპორტულ-შემეცნებითი საზაფხულო ბანაკის“ მიზნებია:

ჯანსაღი ცხოვრების წესის პოპულარიზაცია და დანერგვის ხელშეწყობა;

ახალგაზრდების ჩართვა სპორტულ აქტივობებში;

ჯანსაღი ცხოვრების წესის შესახებ ახალგაზრდების ცნობიერების ამაღლება.

ბანაკის სამიზნე ჯგუფს წარმოადგენს პროგრამა „ახალგაზრდული ფესტივალი- 2019“-ის ფარგლებში განხორციელებული ღონისძიებების გამარჯვებული 12-18 წლის მოზარდები.

პროექტი „სპორტულ-შემეცნებითი საზაფხულო ბანაკი“ მანავში არაფორმალური განათლების მეთოდოლოგიით (ჰობი - განათლება) განხორციელდება და მოიცავს სპორტულ, შემეცნებით, საგანმანათლებლო და კულტურულ აქტივობებს. საბანაკე პროგრამა 7 დღისგან შედგება.

ბანაკის ფარგლებში დაგეგმილი აქტივობები ხელს შეუწყობს მოსწავლეთა ფიზიკურ განვითარებას, ცხოვრების ჯანსაღი წესის, როგორც ფასეულობის განმტკიცებას. გარდა ამისა, ბანაკის მონაწილეებს განუვითარდებათ ინდივიდუალური და გუნდური თამაშებისთვის საჭირო უნარები.

 

იხილეთ ბმული

სხვა სიახლეები

„მომავლის ბანაკი“ ანაკლიაში საზეიმოდ დაიხურა

„მომავლის ბანაკი“ ანაკლიაში საზეიმოდ დაიხურა. ღონისძიებაზე ბანაკის მონაწილეების მიერ საინტერესო და შთამბეჭდავი პერფორმანსი შესრულდა. საღამო საქართველოს ეროვნული ჰიმნით და გრანდიოზული ფოიერვერკით დასრულდა
ვრცლად

სკაუტური ბანაკი „თავგადასავალი 2019“ გაიხსნა

4 სექტემბერს აბაშის რაიონის სოფელ წყემში, სკაუტური ბანაკი „თავგადასავალი 2019“ გაიხსნა.
ვრცლად

მანავის სამხედრო ბაზაზე „სპორტულ-შემეცნებითი საზაფხულო ბანაკი“ დაიხურა

მანავის სამხედრო ბაზაზე „სპორტულ-შემეცნებითი საზაფხულო ბანაკი“ დაიხურა, სადაც 8 ნაკადის განმავლობაში, 1000-ზე მეტმა მოსწავლემ მიიღო მონაწილეობა!
ვრცლად

შაორში „მომავლის ბანაკი“ დაიხურა!

29 აგვისტოს შაორში „მომავლის ბანაკი“ დაიხურა. ღონისძიებაზე ბანაკის მონაწილეებისა და ლიდერების მიერ არაერთი საინტერესო მუსიკალური ნომერი შესრულდა.
ვრცლად