კონტრასტი
განლაგება
შრიფტი
არქივში დაბრუნება

„ფანARTი“ 2016. ფოტოგრაფიის და სტენსილის დღე

ფესტივალის მეშვიდე დღე ფოტოგრაფიას და სტენსილის მიმართულებას დაეთმო. ხელოვნების გულშემატკივრებმა ხუთი დამწყები ფოტოგრაფის გამოფენა დაათვალიერეს. მონაწილეები საფესტივალოდ კონსულტანტმა, გურამ წიბახაშვილმა შეარჩია. აბო ახვლედიანმა, ანა რეხვიაშვილმა ნანა კუჭუხიძემ, ნინო საბაძემ და თამარ გელაშვილმა ბავშვთა და ახალგაზრდობის ეროვნული ცენტრის საგამოფენო სივრცე საკუთარი ნამუშევრებით შეავსეს. დამთვალიერებელმა სხვადასხვა თემაზე მომზადებული მრავალფეროვანი ფოტორეპორტაჟი იხილა, რომლებიც ფოტოგრაფმა გურამ წიბახაშვილმა შემოსული აპლიკაციებიდან - ხარისხის, კომპოზიციურობის და ხედვის ნიშნით გამოარჩია: „ფესტივალი ფანARTი მნიშვნელოვანი წამოწყებაა ახალგაზრდებისთვის. გასული წლის რჩეული ვახო ხეთაგური დღეს უკვე სერიოზულ ფოტოგრაფიას მისდევს და მან არა ერთი პერსონალური გამოფენა გამართა. ეს არის შედეგი ამ ფესტივალის“-აღნიშნა „ფანARTის“ კონსულტანმა. ღონისძიების მეორე ნაწილი სტენსილს დაეთმო. მირიან შენგელაიამ და კონსულტანტმა DR.LOVE ღონისძიება სანახაობრივი გახადეს და ადგილზე „სთრით არტი“ შექმნეს. მანამდე კი მასტერკლასი ჩაატარეს თემაზე - რა არის და როგორ უნდა შეიქმნას სტენსილი. დამსწრე საზოგადოებამ ფესტივალის ყველაზე პატარა მონაწილე, 13 წლის ლევან ტყაბლაძეც გაიცნო. სტენსილის მიმართულება „ფანARTზე“ წელს პირველად იყო წარმოდგენილი.     ფოტოალბომის სანახავად იხილეთ ბმული  

სხვა სიახლეები

„მომავლის ბანაკი“ ანაკლიაში საზეიმოდ დაიხურა

„მომავლის ბანაკი“ ანაკლიაში საზეიმოდ დაიხურა. ღონისძიებაზე ბანაკის მონაწილეების მიერ საინტერესო და შთამბეჭდავი პერფორმანსი შესრულდა. საღამო საქართველოს ეროვნული ჰიმნით და გრანდიოზული ფოიერვერკით დასრულდა
ვრცლად

სკაუტური ბანაკი „თავგადასავალი 2019“ გაიხსნა

4 სექტემბერს აბაშის რაიონის სოფელ წყემში, სკაუტური ბანაკი „თავგადასავალი 2019“ გაიხსნა.
ვრცლად

მანავის სამხედრო ბაზაზე „სპორტულ-შემეცნებითი საზაფხულო ბანაკი“ დაიხურა

მანავის სამხედრო ბაზაზე „სპორტულ-შემეცნებითი საზაფხულო ბანაკი“ დაიხურა, სადაც 8 ნაკადის განმავლობაში, 1000-ზე მეტმა მოსწავლემ მიიღო მონაწილეობა!
ვრცლად

შაორში „მომავლის ბანაკი“ დაიხურა!

29 აგვისტოს შაორში „მომავლის ბანაკი“ დაიხურა. ღონისძიებაზე ბანაკის მონაწილეებისა და ლიდერების მიერ არაერთი საინტერესო მუსიკალური ნომერი შესრულდა.
ვრცლად