კონტრასტი
განლაგება
შრიფტი
არქივში დაბრუნება

პრემიერ-მინისტრი შაორის „მომავლის ბანაკში“

საქართველოს პრემიერ-მინისტრი შაორზე, ბავშვთა და ახალგაზრდობის ეროვნული ცენტრის „მომავლის ბანაკს“ ესტუმრა, სადაც 18-დან 25 წლამდე ასაკის 100-ზე მეტი ახალგაზრდა ისვენებს. გიორგი კვირიკაშვილმა ბანაკის ინფრასტრუქტურა დაათვალიერა და ახალგაზრდებს გაესაუბრა. 13987439_314246742253690_5327029275129454779_o ბანაკის დამსვენებლები განათლების სისტემაში მიმდინარე რეფორმით დაინტერესდნენ და მოისმინეს პრემიერ-მინისტრის პასუხები შეკითხვებზე. გიორგი კვირიკაშვილი ახალგაზრდებს მათთვის საინტერესო და მნიშვნელოვან თემებზე ესაუბრა. საუბარი შეეხო ახალგაზრდების დასაქმებისა და ბიზნესის განვითარების პერსპექტივებს, ინოვაციური ბიზნესის ხელშეწყობის პროგრამას – „სტარტაპ საქართველო,“ ტურიზმის განვითარების პერსპექტივებს, საქართველოში მიმდინარე და დაგეგმილ ინფრასტრუქტურულ პროექტებს. ახალგაზრდები დაინტერესდნენ, ადევნებს თუ არა თვალყურს პრემიერ-მინისტრი რიოში მიმდინარე ოლიმპიურ თამაშებს. გიორგი კვირიკაშვილის თქმით, ძიუდოისტ ლაშა შავდათუაშვილის მიერ მოპოვებულ ბრინჯაოს ოქროს ფასი აქვს. წელს ,,მომავლის ბანაკი“ 10 ნაკადად 1400-მდე ახალგაზრდას მიიღებს. უპირატესობა მაღალი აკადემიური მოსწრების სტუდენტებს, სოციალურად დაუცველ, იძულებით გადაადგილებული და მრავალშვილიანი ოჯახის წევრებს, საქართველოს ტერიტორიული მთლიანობისთვის ბრძოლაში დაღუპულთა ოჯახის წევრებს მიენიჭებათ. შაორის ,,მომავლის ბანაკის“ პროექტს ბავშვთა და ახალგაზრდობის ეროვნული ცენტრი, ქ. თბილისის მერიის განათლების, სპორტისა და ახალგაზრდულ საქმეთა სამსახურთან ერთად ახორციელებს. ინფორმაციის წყარო

სხვა სიახლეები

„მომავლის ბანაკი“ ანაკლიაში საზეიმოდ დაიხურა

„მომავლის ბანაკი“ ანაკლიაში საზეიმოდ დაიხურა. ღონისძიებაზე ბანაკის მონაწილეების მიერ საინტერესო და შთამბეჭდავი პერფორმანსი შესრულდა. საღამო საქართველოს ეროვნული ჰიმნით და გრანდიოზული ფოიერვერკით დასრულდა
ვრცლად

სკაუტური ბანაკი „თავგადასავალი 2019“ გაიხსნა

4 სექტემბერს აბაშის რაიონის სოფელ წყემში, სკაუტური ბანაკი „თავგადასავალი 2019“ გაიხსნა.
ვრცლად

მანავის სამხედრო ბაზაზე „სპორტულ-შემეცნებითი საზაფხულო ბანაკი“ დაიხურა

მანავის სამხედრო ბაზაზე „სპორტულ-შემეცნებითი საზაფხულო ბანაკი“ დაიხურა, სადაც 8 ნაკადის განმავლობაში, 1000-ზე მეტმა მოსწავლემ მიიღო მონაწილეობა!
ვრცლად

შაორში „მომავლის ბანაკი“ დაიხურა!

29 აგვისტოს შაორში „მომავლის ბანაკი“ დაიხურა. ღონისძიებაზე ბანაკის მონაწილეებისა და ლიდერების მიერ არაერთი საინტერესო მუსიკალური ნომერი შესრულდა.
ვრცლად