კონტრასტი
განლაგება
შრიფტი
არქივში დაბრუნება

ანონსი

სსიპ „ბავშვთა და ახალგაზრდობის ეროვნული ცენტრი“ 2018 წლის 10 დეკემბერს, ადამიანის უფლებათა დაცვის საერთაშორისო დღესთან დაკავშირებით, მართავს კონფერენციას თემაზე: აუტიზმის, ასპერგერის სინდრომისა და სენსორული ინტეგრაციის დარღვევის მქონე ბავშვებთან მუშაობის თავისებურებები. 

  კონფერენციის მიზანია 2018 წელს ამერიკის საელჩოს მიერ დაფინანსებული, საგამომცემლო სახლ „დედნისა“ და სსიპ „ბავშვთა და ახალგაზრდობის ეროვნული ცენტრის“ მიერ გამოცემული საგანმანათლებლო რესურსის  -  „101 თამაში და აქტივობა აუტიზმის, ასპერგერის სინდრომისა და სენსორული ინტეგრაციის დარღვევის მქონე ბავშვებისათვის“-  ქართულ პრაქტიკაში გამოყენების  საუკეთესო მაგალითების გაცნობა.

  წიგნის ავტორია ცნობილი ამერიკელი მეცნიერი და ოკუპაციური თერაპიის სპეციალისტი ტარა დელეინი.

  სსიპ „ბავშვთა და ახალგაზრდობის ეროვნული ცენტრი“, საერთაშორისო საზოგადოებასთან ერთად, „გაეროს შეზღუდული შესაძლებლობის მქონე პირთა უფლებების კონვენციის (CRPD)“ შესაბამისად მიისწრაფვის სოციალური მოდელის მხარდაჭერისა და ცენტრის ფარგლებში არსებულ ყველა სერვისში ინკლუზიური კომპონენტის დანერგვისკენ. შესაბამისად, ცენტრის ფარგლებში არსებული თითქმის ყველა სერვისი მიემართება საქართველოში მცხოვრებ ყველა ბავშვს, ახალგაზრდას და მათ მშობელს.

 საქართველოში არსებული საჭიროებებიდან გამომდინარე, ცენტრი აქტიურად მუშაობს, როგორც საერთაშორისო ისე ადგილობრივ პარტნიორებთან, ბავშვებისა და ახალგაზრდებისთვის არაფორმალური საგანმანათლებლო რესურსების ხელმისაწვდომობის გაზრდისათვის.

 ცენტრის ფარგლებში ფუნქციონირებს „CYNC სივრცე“, სადაც მსურველებს შეუძლიათ  სხვადასხვა ტიპის შეხვედრების, პრეზენტაციების ორგანიზება, ასევე არსებული საგანმანათლებლო რესურსებისა და სხვადასხვა ჟანრის წიგნების გაცნობა.

 კონფერენციის განმავლობაში სტუმრებს შესაძლებლობა მიეცემათ ადგილზე გაეცნონ აღნიშნულ წიგნს და ცენტრის ფარგლებში შექმნილ სხვა საგანმანათლებლო რესურსებს და ხელნაკეთ ნივთებს.

 

 

თარიღი  და ღონისძიების დაწყების დრო: 15:00, 10 დეკემბერი, 2018წ.

მისამართი: სსიპ „ბავშვთა და ახალგაზრდობის ეროვნული ცენტრი“,

ვაჟა-ფშაველას  გამზ. 76ბ. თბილისი

 

 

სხვა სიახლეები

ევროპული სკოლის საზაფხულო ბანაკი

სსიპ „ბავშვთა და ახალგაზრდობის ეროვნულმა ცენტრმა“ ევროკავშირის დაფინანსებით და მხარდაჭერით, 2018 წელს ევროპული სკოლის საზაფხულო ბანაკი განახორციელა, სადაც აღმოსავლეთ პარტნიორობის რეგიონიდან და ევროკავშირის წევრი სახელმწიფოებიდან 100 ახალგაზ
ვრცლად

მოხალისეობის აღიარების ახალი კონცეფციის შემუშავება

სსიპ „ბავშვთა და ახალგაზრდობის ეროვნული ცენტრის“ უფროსი გიგა გაბელაია და ცენტრის პროგრამების სამსახურის უფროსი კოორდინატორი ნინო მიხანაშვილი, მოლდოვის რესპუბლიკაში, ქ. კიშინიოვში იმყოფებოდნენ საქმიანი ვიზიტით, სადაც ხელი მოეწერა „Erasmus+,
ვრცლად

კალენდრისა და წიგნის პრეზენტაცია

ბავშვთა და ახალგაზრდობის ეროვნულ ცენტრში ახალგაზრდების მიერ შექმნილი კალენდარისა და წიგნის პრეზენტაცია გაიმართა, რომელიც უსინათლო და მცირემხედველი თანატოლებისთვის არის განკუთვნილი.
ვრცლად

ბავშვთა და ახალგაზრდობის ეროვნული ცენტრი გილოცავთ შობა-ახალ წელს!

ვრცლად