კონტრასტი
განლაგება
შრიფტი
არქივში დაბრუნება

ნორჩ მაშველთა კლუბის მონაწილეთა შერჩევა დაიწყო

 

სსიპ „ბავშვთა და ახალგაზრდობის ეროვნული ცენტრი“ საგანგებო სიტუაციების მართვის სამსახურთან ერთად  პროგრამა „მომავლის ბანაკის“ ფარგლებში ახორციელებს პროექტს „ნორჩ მაშველთა კლუბი“.

პროექტში მონაწილეობა შეუძლიათ ქ.თბილისის საჯარო სკოლების 14-16 წლის აქტიურ მოსწავლეებს,  რომლებიც  ჩაერთვებიან  პირველადი  სამედიცინო დახმარების ტრენინგებსა და სახანძრო-სამაშველო სპორტულ ვარჯიშებში.

მონაწილეთა შერჩევა განხორციელდება რამდენიმე ეტაპად:

•           აპლიკანტების მიერ გამოგზავნილი დოკუმენტაციის განხილვა და გადარჩევა;

•           საინფორმაციო შეხვედრა მონაწილეობის მსურველებთან და მათ მშობლებთან/კანონიერ წარმომადგენლებთან;

•           აპლიკანტების რეგისტრაცია;

•           შერჩევა ფიზიკური ნორმატივების ჩაბარების საფუძველზე;

•           ჯგუფური გასაუბრება

მონაწილეები ფიზიკურ გადამზადებას გაივლიან საგანგებო სიტუაციების მართვის სამსახურის  ბაზაზე, ასევე მოემზადებიან კულტურული ღონისძიებებისთვის სსიპ „ბავშვთა და ახალგაზრდობის ეროვნული ცენტრის“ ტერიტორიაზე.

ფიზიკური ნორმატივებისა  და  ჯგუფური გასაუბრების შედეგად შეირჩევა 14 აპლიკანტი, რომლებიც საქართველოს სახელით მონაწილეობას მიიღებენ „ნორჩ მაშველთა“  საერთაშორისო პროფილურ ბანაკებში გამართულ ტურნირებში, ხოლო 21 აპლიკანტი ჩაერთვება პროგრამა „მომავლის ბანაკის“ ფარგლებში დაგეგმილ საზაფხულო ბანაკებში.

პროექტში ახალგაზრდების ჩართულობის გაზრდის მიზნით, შერჩევის პროცესში არ დაიშვებიან გასული წლის მონაწილეები.

დაინტერესებულმა პირებმა უნდა გამოაგზავნონ ინფორმაცია (სახელი;  გვარი;  პირადი ნომერი;  საცხოვრებელი მისამართი;  აპლიკანტის საკონტაქტო  ნომერი;  მშობლის/კანონიერი წარმომადგენლის საკონტაქტო ნომერი; სკოლა) ელ.ფოსტის მისამართზე: norchimashvelebi@gmail.com

 

განაცხადების მიღების ბოლო ვადაა 31 მარტი.

 

სხვა სიახლეები

კონკურსი დამწყები პროზაიკოსებისა და მხატვრებისათვის

17 მაისს ზუგდიდში, პროექტის „ახალგაზრდა ხელოვანი“ შესარჩევი ეტაპი გაიმართა, რომელსაც კონსულტანტები - მხატვარი გოგა ჯაფარიძე, მწერალი ოთარ ჯირკვალიშვილი და მწერალი და ლიტერატურის კრიტიკოსი ლექსო დორეული უძღვებოდნენ. ბავშვთა და ახალგაზრდობის
ვრცლად

ტურნირი „სპორტი ბარიერების გარეშე“ ქ. ზუგდიდს ესტუმრა

ტურნირი „სპორტი ბარიერების გარეშე“ ამჯერად ქ. ზუგდიდს ესტუმრა. შეჯიბრის პირველი დღე სპრინტს, ფეხბურთსა და ჭადრაკს დაეთმო. გამარჯვებული მონაწილეები, ბავშვთა და ახალგაზრდობის ეროვნული ცენტრის უფროსმა გიგა გაბელაიამ მანავის „სპორტულ-შემეცნებით
ვრცლად

„CYNC ქსელი“

ბავშვთა და ახალგაზრდობის ეროვნული ცენტრის ორგანიზებით, 13-15 მაისს ქალაქ ბათუმში, პროექტის „CYNC ქსელი“ ფარგლებში, საქართველოს ყველა მუნიციპალიტეტის ახალგაზრდობის, სპორტისა და კულტურის სამსახურების წარმომადგენლებთან და რეგიონული საგანმანა
ვრცლად

ტურნირი „სპორტი ბარიერების გარეშე

ბავშვთა და ახალგაზრდობის ეროვნული ცენტრის ორგანიზებით პროექტი „სპორტი ბარიერების გარეშე“ მიმდინარეობს, რომელშიც საქართველოს ყველა რეგიონის 12-16 წლის სპორტის მოყვარული მოზარდები (გოგო-ბიჭი) ჩაერთვებიან.
ვრცლად